خواطر بقلم الشهيد رامي

أحزاننا حملها، وأوجاعنا تحملها، وكل خطايانا حملها...
وقلنا تعالوا أنا بستنا هنا... عند الآب عشان أعطيكوا الهنا...
الهنا مش شوية فلوس ولا عربية وشقة وكنوز...
الهنا مش كدة، الهنا هو الحب والفدا...
الهنا أكبر من كدة الهنا هو رب الفدا...
هو رب الفدا لما فداني، وعلى الخشبة أداني...
أداني حياة أبدية، وقلي خذ يا حبيبي من إيديا...
خذ من إيديا لأني أن فديتك ولنفسي شريتك...
شريتك مش عشان تخدمني... شريتك عشان تأخذ مني...
تأخذ مني الحياة وأسقيك المياه، مش مياه الدنيا ديه...
بل مياه الحياة الأبدية
هي دية محبة ندية... محبة ربي ليَّ

كنت ماشي في الطريق وتايه... كنت بدوّر على السكة وتايه...
كنت بدور على المخرج ومش لاقي... كنت بدور على المفّرح ومش لاقي...
كنت بدور على إليّ يأخذني من أحزاني...
كنت بدور على إليّ ينشلني من أيامي...
كنت بدور على الفادي إليّ فداني... وهو قدامي وأنا عارف أنو هو قدامي...

وعارف أن حياتي بين يديه... وعارف إن مماتي دا شيء يعنيه...
وعارف إني إذا مت وأنا خاطي مش حكون ليه...
لكن محبته ليّ ما قبلت الحاجة دية... وفكرتني بالخطية والأيام إليّ هية...
وفكرتني بالسب والشتيمة... وفكرتني باللعن واللئيمة...
وقلقي دا كله... مغفور ليك... عشان يسوع دا هو إليّ لينا...
دا هو لينا وفادينا... ومحبتوا حتفضل وسطينا...
حتفضل وسطينا وبينا عشان ناخذ منها وندي غيرنا...
نَدي غيرنا المحبة دية عشان ربنا يدينا الحياة الأبدية...
حياة أبدية من عنده... وعيشة هنية من يده...
عشان كدة لقيت السكة عند رب الفدا... هو فاديا وحاميا...

لو تتبع محبته ليّ... لو تتبع أعماله فيا...
لرئينا محبة من حولينا... وخبّرنا عن اسمه بكل ما لينا...
بالرغم من بُعد المسافات والحواجز والممنوعات...
هو اجتاز كل الألمات عشاني أنا قبل الممات...
عشان لما أموت أبقى أعبر ويبقى القبر ليّ مجرد معبر...
مجرد معبر أعبر منه للحياة الأبدية...
مجرد سكة فيها أُسلم الجسد إليّ ليّ...
أسلموا بلا رجعة... وأجد الحياة الأبدية...
الحياة اليّ وعدني فيها فاديا... هي... هي... الحياة الأبدية...
أروح هناك أُسبح رب الفدا... اليّ فداني وشلني من يد العلا...
أروح أُسبح وأُرنم ليه...
وحوليا أصحابي وأهلي وحبايبي المفتدين بيه...
لو تتبع محبته ليّ... لو تتبع أعماله فيا...
حتى في كلامه دا مش بس ليّ... دا ليك وليَّ.


لا تنتظرني... بل انتظر الرب
سأذهب إلى حيث يريد الرب... وأنت ستبقى هنا حيث يريد الرب...
أنا أريد... أنت تريد... ولكن الرب يفعل ما يريد...
لا تقلق... الرب سوف يعزيك... الرب سوف يريح قلبك...
تذكر دائماً أن الله له خطة في حياتك.. صلي من أجل هذه الخطة لكي تكتشفها...
ربما أنا أكون هذه الخطة... ربما لا... الرب يريد لك الأفضل... ويريد لي الأفضل...
لن أودعك... لأننا سنلتقي...
الرب يريد ما يريده... فلتكن مشيئته وليس مشيئتك ولا مشيئتي.
أمين